" ಕನ್ನಡ ಚಳುವಳಿ ನಡೆದು ಬಂದ ದಾರಿ " ಉಪನ್ಯಾಸ ಕಾರ್ಯಕ್ರಮ

ಬಿ ಇ ಎಂ ಎಲ್  ಕನ್ನಡ ಸಂಘ ದ ವತಿಯಿಂದ ಆಯೋಜಿಸಲಾಗಿದ್ದ " ಕನ್ನಡ ಚಳುವಳಿ ನಡೆದು ಬಂದ ದಾರಿ " ವಿಷಯದ ಕುರಿತು ಏರ್ಪಡಿಸಲಾಗಿದ್ದ ಉಪನ್ಯಾಸ ಕಾರ್ಯಕ್ರಮದಲ್ಲಿ ಬೆಂಗಳೂರು ನಗರ ಜಿಲ್ಲೆ ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷರಾದ ಶ್ರೀ ಮಾಯಣ್ಣ ಅವರು ಮುಖ್ಯ ಅತಿಥಿ ಗಳಾಗಿ ಭಾಗವಹಿಸಿದ್ದರು . ಹಿರಿಯ ಸಾಹಿತಿ , ಕನ್ನಡ ಚಳುವಳಿ ಹೋರಾಟಗಾರ ರಾದ ಶ್ರೀ ರಾ ನಂ  ಚಂದ್ರಶೇಖರ್ ಉಪನ್ಯಾಸ ನೀಡಿದರು . ಕನ್ನಡ ಸಂಘದ ಅಧ್ಯಕ್ಷರಾದ ಶ್ರೀ ಬಿ . ವಿ . ಗೋಪಾಲಕೃಷ್ಣ ಅವರು , ಸರ್ ಸಿ ವಿ ರಾಮನ್ ನಗರ ವಿಧಾನಸಭಾ ಕಸಾಪ  ಘಟಕದ ಅಧ್ಯಕ್ಷರಾದ ಶ್ರೀ ಹೆಬ್ಬಗೋಡಿ ಗೋಪಾಲ್ ಅವರು ಉಪಸ್ಥಿತರಿದ್ದರು .

ಕಸಾಪ ವತಿಯಿಂದ ಶ್ರದ್ಧಾಂಜಲಿ

ದಿನಾಂಕ ೨೭/೦೪/೨೦೧೬  ರಂದು  ಕನ್ನಡ ಸಾಹಿತ್ಯ ಪರಿಷತ್ತು ಕೇಂದ್ರ ಹಾಗು ಬೆಂಗಳೂರು ನಗರ ಜಿಲ್ಲಾ ಕಸಾಪ   ವತಿಯಿಂದ ಅಗಲಿದ ಹಿರಿಯ ಚೇತನ ಶ್ರೀ ಪುಂಡಲೀಕ ಹಾಲಂಬಿ ಅವರಿಗೆ ಶ್ರದ್ಧಾಂಜಲಿ ಸಭೆ ಯನ್ನು ಏರ್ಪಡಿಸಲಾಗಿತ್ತು . ಹಲವಾರು ಗಣ್ಯರು ನುಡಿನಮನ , ಪುಷ್ಪನಮನ  ಸಲ್ಲಿಸಿದರು . ಅವರ ಕನ್ನಡ ಕೈಂಕರ್ಯ , ಗುಣ ಗಳನ್ನು  ಸ್ಮರಿಸಿದರು . ಹಾಲಂಬಿ ಅವರ ಕುಟುಂಬಸ್ಥರು ಸಹ ಹಾಜರಿದ್ದರು . 

ಕನ್ನಡ ಸಿರಿ ಶ್ರೀ ಪುಂಡಲೀಕ ಹಾಲಂಬಿ

ಅನಿಕೇತನ ಕನ್ನಡ ಬಳಗ ವತಿಯಿಂದ ಪ್ರಕಟಿಸಲಾಗಿದೆ . 

ಆನೇಕಲ್ ಕಸಾಪ ವತಿಯಿಂದ ಶ್ರೀ ಪುಂಡಲೀಕ ಹಾಲಂಬಿ ಅವರಿಗೆ ಶ್ರದ್ಧಾಂಜಲಿ

ಆನೇಕಲ್ ವಿಧಾನಸಭೆ  ಕಸಾಪ ವತಿಯಿಂದ ಅಗಲಿದ ಹಿರಿಯ ಚೇತನ  ಶ್ರೀ ಪುಂಡಲೀಕ ಹಾಲಂಬಿ ಅವರಿಗೆ  ಅಧ್ಯಕ್ಷರಾದ ಶ್ರೀ ನವೀನ ಬಾಬು ಅವರನ್ನೊಳಗೊಂಡ ಸದಸ್ಯರು , ಅಭಿಮಾನಿಗಳು ಶ್ರದ್ಧಾಂಜಲಿ   ಸಲ್ಲಿಸಿದರು  . 

ಶ್ರೀ ಪುಂಡಲೀಕ ಹಾಲಂಬಿ ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ

ಕನ್ನಡ ಸಾಹಿತ್ಯ ಪರಿಷತ್ತು  ನಿಕಟ ಪೂರ್ವ  ಅಧ್ಯಕ್ಷರು , ಕನ್ನಡ ಕಳಕಳಿಯ  ಹಿರಿಯ ಚೇತನ ,  ಸರಳ , ಸಜ್ಜನಿಕೆ ವ್ಯಕ್ತಿತ್ವ ದ ಕನ್ನಡಾಭಿಮಾನಿ , ಕನ್ನಡ ಕಟ್ಟಾಳು , ಬೆಂಗಳೂರು  ನಗರ ಜಿಲ್ಲೆ ಕಸಾಪ  ಫೋಷಕರು   ಶ್ರೀ ಪುಂಡಲೀಕ ಹಾಲಂಬಿ  ಅವರು ದಿನಾಂಕ ೨೪/೦೪/೨೦೧೬  ಅನಾರೋಗ್ಯ ದ ನಿಮಿತ್ತ   ನಮ್ಮನ್ನೆಲ್ಲಾ ಅಗಲಿದ್ದಾರೆ .

ಬೆಂಗಳೂರು ನಗರ ಜಿಲ್ಲೆ ಕಸಾಪ ವತಿಯಿಂದ ಅವರಿಗೆ  ಭಾವಪೂರ್ಣ  ಶ್ರದ್ಧಾಂಜಲಿ  ಯನ್ನು ಅರ್ಪಿಸುತ್ತಿದ್ದೇವೆ . ಅವರ ಅಗಲಿಕೆ ನಮ್ಮೆಲ್ಲರಿಗೂ ಅಪಾರ ನೋವು ತಂದಿದೆ . 

  

ಬೆಂಗಳೂರಿನಲ್ಲಿ ಕನ್ನಡ ಬೆಳೆಸಲು ವಿಶೇಷ ಕಾರ್ಯಕ್ರಮ

ಬೆಂಗಳೂರಿನಲ್ಲಿ ಕನ್ನಡ ಬೆಳೆಸಲು ವಿಶೇಷ ಕಾರ್ಯಕ್ರಮ 

ಪದಾಧಿಕಾರಿಗಳು ಹಾಗು ಘಟಕಗಳ ಅಧ್ಯಕ್ಷರು ಗಣ್ಯರೊಂದಿಗೆ

ಬೆಂಗಳೂರು ನಗರ ಜಿಲ್ಲೆ ಕನ್ನಡ ಸಾಹಿತ್ಯ ಪರಿಷತ್ ಪದಾಧಿಕಾರಿಗಳು ಹಾಗು ಘಟಕಗಳ ಅಧ್ಯಕ್ಷರು ಗಣ್ಯರೊಂದಿಗೆ

ಯಶಸ್ವಿಯಾಗಿ ಕಾರ್ಯಚಟುವಟಿಕೆ ಗಳ ಉದ್ಘಾಟನಾ ಕಾರ್ಯಕ್ರಮ

 ಬೆಂಗಳೂರು ನಗರ ಜೆಲ್ಲೆ ಕನ್ನಡ ಸಾಹಿತ್ಯ ಪರಿಷತ್ ನ  ೨೦೧೬-೨೦೧೯ ರ ಅವಧಿಯ ಕಾರ್ಯಚಟುವಟಿಕೆ ಗಳ ಉದ್ಘಾಟನಾ ಕಾರ್ಯಕ್ರಮ ಕೃಷ್ಣರಾಜ ಪರಿಷನ್ಮಂದಿರದಲ್ಲಿ ಹಲವಾರು ಗಣ್ಯ ಮಾನ್ಯರ , ಕನ್ನಡ ಅಭಿಮಾನಿಗಳ , ಕಸಾಪ ಸದಸ್ಯರ , ಮಾಧ್ಯಮ ಮಿತ್ರರ , ಕನ್ನಡ ಸಂಘಟನೆ , ಚಳುವಳಿಗಾರರ ಸಮ್ಮುಖದಲ್ಲಿ ಯಶಸ್ವಿಯಾಗಿ ನಡೆಯಿತು . 

ಸಹಕರಿಸಿದ ಎಲ್ಲಾ ಸಹೃದಯರಿಗೆ ನಗರ ಜಿಲ್ಲೆ ಕಸಾಪ ವತಿಯಿಂದ ತುಂಬು ಹೃದಯದ ಕೃತಜ್ಞತೆಗಳು . 

2016-2019 ರ ಅವಧಿ ಯ ಕಾರ್ಯ ಚಟುವಟಿಕೆಗಳ ಉದ್ಘಾಟನಾ ಸಮಾರಂಭ

ಬೆಂಗಳೂರು ನಗರ ಜಿಲ್ಲಾ  ಕನ್ನಡ ಸಾಹಿತ್ಯ ಪರಿಷತ್ತು ನ 2016-2019 ರ ಅವಧಿ ಯ ಕಾರ್ಯ ಚಟುವಟಿಕೆಗಳ ಉದ್ಘಾಟನಾ ಸಮಾರಂಭ ದಿನಾಂಕ 21/04/2016 ರ ಸಂಜೆ 5 ಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತು , ಶ್ರೀ ಕೃಷ್ಣ ರಾಜಪರಿಷನ್ಮಂದಿರ ದಲ್ಲಿ . 

ಎಲ್ಲಾ ಕನ್ನಡ ಅಭಿಮಾನಿಗಳು , ಆಜೀವ ಸದಸ್ಯರು , ಕನ್ನಡ ಹೋರಾಟಗಾರರು , ಸಾಹಿತಿಗಳು , ಕನ್ನಡ ಸಂಘ -ಸಂಸ್ಥೆ ಗಳ ಸದಸ್ಯರು , ಕನ್ನಡಿಗರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಸವಿನಯ ಪ್ರಾರ್ಥನೆ . 

ಸ್ವಾಗತ ಕನ್ನಡ ಕೈಂಕರ್ಯಕ್ಕಾಗಿ

ಆತ್ಮೀಯ ಕನ್ನಡ ಬಂಧುಗಳೇ ನಮಸ್ಕಾರ ,

ಕನ್ನಡ ಸಾಹಿತ್ಯ ಪರಿಷತ್ತು ಇತಿಹಾಸದಲ್ಲೇ ಪ್ರಥಮ ಬಾರಿಗೆ ಅನ್ನಬಹುದೇನೋ , ಎಂಬುವಂತೆ ಬೆಂಗಳೂರು ನಗರ ಜಿಲ್ಲೆ ಕನ್ನಡ ಸಾಹಿತ್ಯ ಪರಿಷತ್ತು  ವೆಬ್ ನ್ನು ಸೃಷ್ಟಿಸಿದೆ . ಈ ಅಧುನಿಕ ಜಗತ್ತಿನ ತಂತ್ರಜ್ಞಾನ , ಒತ್ತಡದ ಬದುಕಿನಲ್ಲಿ ಕನ್ನಡ ಕಟ್ಟುವಲ್ಲಿ , ಜನರನ್ನು ತಲುಪುವಲ್ಲಿ ಅಂತರ್ಜಾಲದ ಸಾಮಾಜಿಕ ಜಾಲ ತಾಣಗಳು ಅಥವಾ ಇನ್ಯಾವುದೇ ಮಾಧ್ಯಮಗಳು ಬಹಳ ಪರಿಣಾಮ ಕಾರಿಯಾಗಬಲ್ಲವು . ಹಾಗಾಗಿಯೇ ಈ ವೆಬ್ ನ್ನು ರಚಿಸಿದ್ದೇವೆ .

ಕನ್ನಡ ಬಂಧುಗಳು ತಮ್ಮ ಸಲಹೆ ಸೂಚನೆ ಗಳನ್ನು ನಮಗೆ ತಿಳಿಸಿ , ಮುಂದಿನ ದಿನಗಳಲ್ಲಿ ರಾಜಧಾನಿಯಲಿ ಕನ್ನಡ ಕಟ್ಟಲು ನಾವೆಲ್ಲಾ ಜೊತೆ ಗೂಡಿ ಕೆಲಸ ಮಾಡೋಣ .

ಮಿಂಚೆ ವಿಳಾಸ : kasapabnj@gmail.com
ವಾಟ್ಸ್ ಅಪ್ : ೯೩೪೧೩೯೮೯೨೭
ವೆಬ್ : http://kasapabnj.blogspot.in
ಸ್ಥಿರ ದೂರವಾಣಿ :೦೮೦-೨೬೬೦೩೦೯೯
ಜಂಗಮ ವಾಣಿ :೯೫೩೮೬೩೫೫೫೧

ಧನ್ಯವಾದಗಳು

ಮಾಯಣ್ಣ

ಅಧ್ಯಕ್ಷರು

ಬೆಂಗಳೂರು ನಗರ ಜಿಲ್ಲೆ ಕಸಾಪ

ಸ್ವಾಗತ ಕನ್ನಡ ಕುಲ ಕೋಟಿಗೆ

ಸ್ವಾಗತ ಕನ್ನಡ ಬಂಧುಗಳೇ